கன்னியாகுமரி - ஜூன் 30இல் வேலைவாய்ப்பு முகாம்
ஜூன் 30இல் வேலைவாய்ப்பு முகாம்
ராஜாக்கமங்கலம் ஊராட்சி ஒன்றியத்திற்குள்பட்ட இளைஞர்களுக்கான வேலைவாய்ப்பு முகாம் சனிக்கிழமை (ஜூன் 30) நடைபெறுகிறது.
இதுகுறித்து மாவட்ட ஆட்சியர் பிரசாந்த் மு.வடநேரே வெளியிட்டுள்ள செய்திக்குறிப்பு: தமிழ்நாடு மாநில ஊரக வாழ்வாதார இயக்கத்தின் கீழ் கன்னியாகுமரி மாவட்டத்தில் படித்த, வேலைவாய்ப்பற்ற இளைஞர்களுக்கு வேலைவாய்ப்பை பெற்றுத் தரும் பொருட்டு வேலைவாய்ப்பு முகாம் ஜூன் 30 ஆம் தேதி நாகர்கோவில் தெ.தி.இந்து கல்லூரியில், காலை 9.30 மணி முதல் மாலை 4 மணி வரை நடைபெறவுள்ளது.
இம்முகாமில் உள்ளூர் மற்றும் சென்னை, திருவனந்தபுரம், பெங்களூரு போன்ற பெருநகரங்களிலிருந்து பன்னாட்டு நிறுவனங்கள் உள்பட பல்வேறு நிறுவனங்கள் கலந்துகொண்டு இளைஞர்களுக்கு வேலைவாய்ப்பை வழங்க உள்ளனர்.
இம்முகாமில் ராஜாக்கமங்கலம் ஊராட்சி ஒன்றியத்தை உள்ளடக்கிய ஊராட்சிகள், பேரூராட்சிகள் மற்றும் நகராட்சிப் பகுதிகளைச் சேர்ந்த, 8 ஆம் வகுப்பு முதல் தொழிற்பயிற்சி (ஐடிஐ), பட்டப் படிப்பு, டிப்ளமோ இன் பார்மஸி, நர்சிங், அனைத்து இளங்கலை மற்றும் முதுகலை (கலை, அறிவியல் மற்றும் பொறியியல்) வரை படித்த 40 வயதுக்குள்பட்ட ஆண் மற்றும் பெண்கள் தங்களது கல்விச் சான்றிதழ், சாதிச் சான்றிதழ், குடும்ப அட்டை, இதர தகுதிச் சான்றுகளுடன் கலந்து கொண்டு பயன்பெறலாம்.
மேலும் விவரங்களுக்கு 04652 - 279275, 04652 - 278449 என்ற தொலைபேசி எண்களில் தொடர்பு கொள்ளலாம்.
வேலைவாய்ப்பு உங்கள் நண்பர்களுக்கு தெரிவிக்கவும்!
Comments
Post a Comment